ابيها بنت مختلفه ابيها غير كل الناس

امل عمري الأحد مايو 16, 2010 1:18 pm

ابيها بنت مختلفه ابيها غـــير كل النــــاس
وابي كل البشر خلفه تلاحقها وتناظـــــرها

ابيها عقد من فضه وابيها عقد من الماس
وابي غالي الذهب يبرق يحلي كل اساورهـــا

ابيها وسم في صدري وابيها رسم عالكراس
وابي تكتب حروف اسمي بصفحه من دفاتـــرها

ابيها وقت فعل الشر تكون لعقلي الوسواس
وابيها وقت فعل الخير هي اللي بس اشاورها

ابيها تضمني بالحيل وعلى صدري تحط الراس
وابيها وسط ذاك الليل نجومي اللي اسامرهــا

ابيها صوت يطربني يذكرني بصدى الاجراس
وابيها كـل لحظاتي .. من اولها لاخرهــــا

ابيها اطهر العالم بعمره ما وطا الادنــــاس
وابي تقهر جميع الناس ولابه شي يقهرهـــا

ابيها دوم مبسوطه ابيها ماتشوف البــــــاس
ابـيها تــكون لــي ورده تعــطرني واعطرهــــا

ابي تسكن وسط روحي ابيها اقرب من الانفاس
وابـي مــن غيــر ماتامر انفذ كل اوامرهــــا

ابيها قصر في قلبي ابي ضلوعي تكون الساس
وابي تفــرش قصــر حبي بلحظه من مشـــاعرها

ابيها تكون خاطرتي ابيها تكون لي احســـــاس
وابي انا الوحيد الـلي تـــحبه في خواطــــرها

ابيها تموت في نزفي .. تحبه حب بدون قيـــاس
وابي لامن قرت شعري تــضيع بـحب شاعــرها

مما رااق لي