المبسم الحلوى

ا

لمبسم الحلوى تشوّقت ذوقه
واحس كنه بين موتي وبيني



رشفه دوا قلبي وسقيا عروقه
وين انت ياراعيه ليتك تجيني



وين انت ياشف المولع وذوقه
لحظة غيابك تختصر من سنيني



ارجع ترى قلبي شكى نار شوقه
وانا من الفرقا تصافق يديني



وش حيلتي غير الحنين وحروقه
ومنادمة طيفٍ سرق نوم عيني



وش فايدة مزن تكاشف بروقه
لاصار مايروي غشينه حنيني



ضامي لقا والروح صارت شفوقه
ونبضات قلبي تقترن مع ونيني



المبسم الحلوى دوا الجرح ذوقه
وخايف يحول الموت بينه وبيني [center

]

صح لسانك يا أختي الحساسة
ويعطيك ربي الف عافية على روعة موضوعك وطرحك
وتقبل مروري من اخوك وزير الشؤون العاطفية

مشكورين ع تفعلكم مع
ردكم ع الموضوع نورتوصفحتي